Тайлбар
“Шийдвэр гаргах түвшин дэх эмэгтэйчүүдийн оролцооны талаарх олон нийтийн төсөөллийн судалгаа”-ны үр дүнгээр эхнэр нөхөр хоёр хоёулаа ажил мэргэжлийн чадамж, цалин ижил бол хэн нь улс төрийн үйл ажиллагаанд идэвхитэй оролцох нь дээр вэ гэдэг асуултанд судалгаанд оролцсон нийт эрэгтэй эмэгтэй хүмүүс бараг л тэнцүү санал өгсөн байна. 2021 оны байдлаар хүйсийн ялгаа байхгүй гэж дунджаар 45.5 хувь нь үзэж байсан бол 2024 оны байдлаар хүйсийн ялгаа байхгүй гэж хариулсан хүмүүсийн хувь өсөж 50.1 хувь болсон байгаа нь жендерийн талаарх олон нийтийн бодол өөрчлөгдөж буйг илтгэж байна. Үүний үр нөлөөгөөр Монгол Улс түүхэндээ анх удаа аймгийн эмэгтэй засаг даргатай болсон, аймгийн ИТХ-ын даргаар хоёр эмэгтэй сонгогдсон, монголын хамгийн том арилжааны банкны гүйцэтгэх захирлаар эмэгтэй хүн томилогдсон, төрийн шийдвэр гаргах түвшин болох сайд, дэд сайдаар эмэгтэйчүүд сонгогдсон зэрэг дэвшил гарсаар байна. Өгөгдлийн дүрслэлийг жендэрийн хэвшмэл ойлголтыг халах "Хамтдаа цэг тавья!" аяны хүрээнд бүтээв.